Akiliutissaq siunnersuinerup pitsaasup ajortullu assigiinngissutaasa minnersaraat

Inigisassamik pisineq inunnut amerlanerpaanut tassaavoq inuunermi aningaasaliinerit annersaat. Taamaammat atsiorfissamik ukiorpassuarni sunniuteqartussamik atsiulersinnani eqqortuliornerluni qularnaarsimasariaqarpoq.

Siunnersuisussat amerlaqaat: Illuutinik tuniniaasartut, aningaaserivimmi siunnersortit, ikinngutit ilisarisimasallu. Tassallu illusiniartilluni siunnersorneqarnissaq ajornaquteqanngilaq. Matumuunalu akeqanngivissumik siunnersuutit pitsaanerit ilaat pissavat: 

Siunnersortivit arlaannaannulluunniit attuumassuteqannginnissaat, pituttorsimannginnissaa aammalu illit pillutit taamaallaat sulinissaa anguniaruk. Siunnersortivit illit illersugassaraatit - kiserpiavit. Taamaattumik illuutinik tuniniaasup oqaasii kisiisa tusaassallugit iluanngilaq. Tuniniaasumut sullissisuuvoq, tassalu akissarsissutissaa unaavoq illut pilertornerpaamik akisunerpaamillu tunissallugu. Illuutinik tuniniaasartoq oqarluarsinnaavoq pisinissamik isumaqatigiissut “nalinginnaalluinnartuusoq”, kisiannili illuutinik tuniniaasartut isumaqatigiissutissanik allagaataat pisisussanut iluaqusiiniarluni suliaaneq ajorput. Taamaammallu atsiuinnartariaqanngilatit. 

Ilisimalluarparput illu eqqortoq nassaariniarlugu piffissarujussuaq atorsimagaanni, aammalu aningaaserivik akuersisimappat, ilisimagaannilu allanik aamma soqutiginnittoqarsinnaasoq taava sukkanerpaamik atsiorusunnarsisarmat illulu nuannarilluinnaq qularnaarusunnarsisarluni.

Ilisimavarpulli aamma neqeroorutit tusaannarlugit pitsaavallaarsorinartut ilumut pitsaviuneq ajormata. Pilerisuppallaarlunili ilumut pitsaviunnginnerat takuneq ajornakusoortarpoq.

Taamaammallu pingaaruteqarluinnarpoq ilinnut tamakkiisumik illersuisumik aallaqqaataaniilli siunnersorteqarnissat, taassuma suut isumaqatigiissummi paasiuminaatsut takusinnaassavai, illuerniaq tunngavissaqarluni illuatungilersorsinnaassallugu kiisalu illit sinnerlutit pisinermi piumasaqaatit isumaqatigiinniutigisinnaassallugit.

Illumik inissiamilluunniit pisiniartillutit siunnersortimik pituttorsimannngitsumik toqqaanerup pisariaqassusianut pissutissat arfinillit:

Isumarput malillugu siunnersorti pitsaasoq tamakkisumik pituttorsimasussaanngilaq, ilinnullu iluaqutaanerpaaq kisiat anguniagarisussaallugu. Tuniniaasumut siunnersortip soorunami anguniagaa tassaavoq aki annerpaaq pissarsiariniassallugu, qanorlu taava ililluni siunnersortip taassumarpiaap illit akikinnerpaamik pisinissat anguniarsinnaassavaa? Takorlooruminaaqaarmi eqqartuussinermi unnerluussisoq illersuisorlu inuk ataasiussagaluarpata. 

Illusiniarninni advokatip tamakkiisumik pituttorsimanani tunngavissarissaarlunilu siunnersussavaatit. Suliamiit suliamut siunnersuineq immikkuullarittarpoq, nalinginnaasumilli makkuninngattaaq imaqassalluni:

1. Pisinissamik isumaqatigiissutip imarisaata advokatimit akuerineqaqqaartussaaneranik periarfissamik eqqortumik atuinissaq pillugu siunnersuisoqassaaq.
2. Allagaaterpassuit illumik nioqquteqarnermi atorneqartartut misissuataarneqassapput qanorlu taakku pingaaruteqarnerannik siunersuisoqassalluni.
3. Niuernermut atatillugu allagaatit pisariaqartut tamarmik nioqquteqartumit saqqummiunneqarsimanerannik misissuisoqassaaq.
4. Illumik piginnittuunermut uppernarsaasiornikkut, akiliutaasimasunik utertitassanik naatsorsuinikkut allatigullu niuernerup eqqortuunera uppernarsartinneqassaaq nalunaarsortitsinerlu isumagineqassalluni.
5. Illunik tuniniaasup nioqquteqartup soqutigisarluinnaanik isumagisaqartumut tunngavissarissaarluni illuatungiliuttoqassaaq.
6. Kingornussisussat pillugit uppernarsaat, piginneqatigiinneq pillugu isumaqatigiissut imaluunniit aappariittut isumaqatigiissut illumi piginnittuunermut allagartami ilanngullugit allanneqarnissaat pisariaqarnersut pillugit siunnersuisoqarsinnaassaaq.

Taakku peqqutit arfinillit tusareerlugit illumik pisinermut atatillugu advokatimik atuinissap iluaqutitaqassusianik qularunnaarsinneqanngikkaluaruilluunniit minnerpaamik advokatimik oqaloqateqaruit iluaqutigissavat. Immaqa sunik ikiorsinnaaneraatit qanorlu akeqassanersoq tusarniaannarsinnaavat. Taamaalillutit ugguaatigisinnaasannik iliunnginnissat pillugu pitsaanerusumik tunngavissaqarlutit isummersinnaalissaatit, kukkuluttornerimmi akisuinnarani illumut akilersuinivit ingerlanerani tamavimmi ugguarnermik nassataqarsinnaavoq.